Tushda barmoq

tushda barmoq

Tushda barmoq

Tushda barmoq  (ANGUShTON) — Ibn Sirin aytadi: «O’ng qo’lning besh barmog’i besh vaqt namozga, chap qo’lning besh barmog’i bolalar hamda aka-ukalarga dalil bo’ladi.

Ba’zi ta’birchilarning aytishicha, bosh barmoq bomdod namoziga, ko’rsatgich barmoq peshin namoziga, o’rta barmoq asr namoziga, nomsiz barmoq shom namoziga va jimjiloq xufton namoziga dalolat qiladi. Agar o’ng qo’lining barmoqlari bo’lmasa, farzandi yoki aka-ukasining farzandiga musibat etadi».

Kirmoniy aytadi: «Barmoqlarini yig’ib turganini ko’rsa, kambag’al bo’lishiga dalildir. Barmoqlarini bir-biriga bog’lab tush ko’rsa, aka-ukalarining yoki farzandining ishlarini tuzatadi».

Jobir Mag’ribiy aytadi: «Agar bosh barmog’ini kesilgan ko’rsa, molining quvvati bo’ladi. Ko’rsatgich barmog’ining kesilganini ko’rsa, farz namozlarida nuqsonga yo’l qo’yishiga dalildir. O’rta barmog’i kesilganini ko’rsa, shahrida podshoh yoki bir ulug’ kishining o’lishiga dalildir. Nomsiz barmog’ining kesilganini ko’rsa, moliga ziyon tushadi. Jimjilog’ining kesilganini ko’rsa, tug’ilgan bolasi o’lishiga belgidir» .

Ismoil Ash’as aytadi: «Oyoq barmoqlari ziynat va oroyishga dalil bo’ladi. Agar oyoq barmoqlarini yo’g’on va kuchli holda ko’rsa, erlik ishlari soz bo’lishiga dalildir. Oyoq barmoqlariga ofat etgani va yura olmayotganini ko’rsa, moli sababli unga qattiq g’am etishiga dalildir» .

Hazrati Sodiqning aytishicha, barmoqlar tushda olti narsaga belgidir: farzandga; aka-ukalarga; xodimlarga; do’stlarga; kuch-quvvat va besh vaqt namozga. Agar barmog’kning tushib qolganini yoki kesilganini ko’rsa, aytganimizdek, shu barmoqqa taalluqli narsadan ajraydi. Barmog’ining sinib qolganini ko’rsa, ahli oilasidan bir kishining o’lishiga dalil bo’ladi».

Xalaf Isfahoniy aytadi: «Besh barmog’idan sut oqayotganini yoki ko’rsatgich barmog’idan qon ketayotganini ko’rsa, qaynonasi bilan buzuq ish qilishiga dalil bo’ladi».

(Visited 2 371 times, 2 visits today)
Оцените статью
Tush tabirlari mukammal sayt
error: Content is protected !!
Яндекс.Метрика